公屋輪候|打工仔首派沙田「筍盤」屋邨1原因想拒絕 網民稱如中六合彩鬧爆要求多多
撰文: 王明芳
發布時間: 3 小時前
▲ 打工仔首派沙田「筍盤」屋邨竟想拒絕。
【公屋輪候/排公屋/石門碩門邨】排公屋動輒要上十年八載,不少人在首派已「嗱嗱臨」接受,但也有人力求完善,一揀再揀。近日一名網友在網上分享收到房屋署的首派通知,地點是沙田的碩門邨,吸引到網友們留言一致力讚「又新又方便」,更表示勁「葡萄」,但是樓主卻因為一個原因想放棄接受,令眾人表示不解,「咁正都唔要就真係冇嘢講。」
最新影片推介︰
樓主在Facebook群組「公屋討論區」出帖,他貼了一張房屋署的首派配信通知信,顯示獲派「碩門邨」的「健碩樓」,但是樓主表示自己本心儀大埔區,所以心情十分糾結於應否接受此結果,於是上網求問意見,「請問碩門邨好不好住?」
公屋輪候|網民力讚樓齡新又近港鐵
帖文一出,幾乎所有網民也稱讚碩門邨是「筍盤」,「又新又近馬鐵,樓下乜都有,非常正」、「小瀝源都唔要?背山面河,唔要就走寶」、「好好啊,又近石門火車站,又係新樓,設施又齊全」,有人更極羨慕表示樓主如中了「六合彩一千萬」。
![](https://static04.hket.com/res/v3/image/content/3810000/3813870/1_600.jpg)
![](https://static04.hket.com/res/v3/image/content/3810000/3813870/22_600.png)
![](https://static04.hket.com/res/v3/image/content/3810000/3813870/21_600.jpg)
![](https://static04.hket.com/res/v3/image/content/3810000/3813870/22_600.jpg)
![](https://static04.hket.com/res/v3/image/content/3810000/3813870/12_600.png)
![](https://static04.hket.com/res/v3/image/content/3810000/3813870/33_600.jpeg)
![](https://static04.hket.com/res/v3/image/content/3810000/3813870/13_600.png)
所以,對於樓主考慮拒絕時,不少網民忍不住串爆對方,「下,方便到癡線都唔要?」、「當然唔夠自己買好住」、「想要大埔咪唔要囉、碩門好唔好住都唔會變左大埔㗎。」
公屋輪候|樓主解釋拒絕原因:大埔工業邨返工
對此,樓主再度留言透露自己想選大埔區的原因,
因我喺大埔工業邨返工,想要新樓,大埔富蝶邨,所以,諗住問吓,等第二派,可唔可以轉大埔?
看到此處,網民們表現得更為不解,「石門都有車去到大埔啊」、「你係咪一世都會喺大埔工業邨打工先? 同埋你估想要富蝶就有?」、「轉工,工未必做一世,公屋可能住一世」;有人直指樓主太貪心,「有無咁貪呀,又想近返工,又想要新樓」。
公屋輪候|網民突破盲腸:排錯隊
不過,有心水清的網民指出一個重點,便是樓主可能「排錯隊」,「你想派大埔就揀錯區啦,應揀新界區」、「你排緊擴市呀天才」、「大埔係新界區喎!你派碩門排緊擴展區?」
根據房屋署的資料,香港的公共屋邨分布在全港四個區域,包括市區(包括港島及九龍)、擴展市區(包括東涌、沙田、馬鞍山、將軍澳、荃灣、葵涌及青衣)、新界(包括屯門、元朗、天水圍、上水、粉嶺及大埔)及離島(不包括東涌),若果公屋申請人有意想更改所選擇的申請地區,要立即通知房屋署,收免影響派位結果。
公屋輪候|網友力勸:轉區分分鐘派屯元天舊樓
但是,有好心網友力勸樓主應該認清事實,不要「坐定粒六」以為二派一定如願,「而家轉新界,也未必一定派大埔,屯元天,都係新界,仲要派緊舊樓,請三思」、「聽聞大埔入哂富蝶就冇新單位了。不過富蝶仲起緊,唔知仲起到幾多棟呢?」
下載HKET App,追蹤TOPick WhatsApp頻道,睇全方位資訊: